සිංහ ලේ vs බලු කිරි

මේ ඒයි... මට නං බෑ ඔන්න කිරි දෙන්න නං. බොඩි ශේප් එක අවුල් ගියාම එක සිංහයෙක් වත් මං දිහා බලන එකක් නෑ..

එහෙම කියල පුලුවන්ද සුදූ.. කිරි නොදී පොඩි එවුං තණකොළ කන්නද? අනික අර පුරාණ කවි සිංදු වලත් තියෙන්නෙ "තණකොළ නොබුදිති සිංහ පැටවු" කියල.

 

අනේ යන්න මෙයා යන්න , ඕන එකෙක්ට කියල කිරි දෙන එකයි ඇත්තේ .. මට නං බෑ... තමුසෙ නං කියයි.. සිංහ පැටවු වදල වදල අන්තිමට මට වෙන්නෙ සිංහයෙක් වත් බලන්නෙ නැතිකොට වේලි වේලි ඉන්න.

හරි දැන් මොකද්ද කිරි දුන්නම තමුසෙට වෙන්නෙ?

බොඩි ෂේප් එක අවුල් යනවා ඕයි. නිවුඩෙන් හිටපු මට  අන්තිමට "පුෂ්-අප් බ්‍රා" ඇඳගෙන තමයි ඉන්න වෙන්නෙ.

ඉතිං ඕයි නාකි තමුසෙට මොන ඉස්ටයිල්ද? මොන සෙල්ලන්ද? නහින දෙහින කාලෙ රැලේ එකෙක් අල්ලගත්ත සතෙක්ගෙ කුණක් කාලා පැත්තකට වෙලා ඉන්නවා මිසක්.

ආ... අනේ නිකං යනවා යන්න. කෝ තමුසෙගෙත් ලොම් හැලිලත් තමුසෙ පැත්තකට වෙලා නිකං ඉන්නවද? අඩුගානේ රැලේ අලුත් එවුං කරන දඩයමකට වත් සපෝට් එකක් දෙනවද? කට්ටිය සතෙක් අල්ලගන්න කුරුමානම් අල්ලනකොට තමුසෙ බොරු ගර්ජනාවක් දාල සතාව පන්නනව මිසක්. පුළුවන් මගුලකුත් නෑ ...

මේ මේ.. මට තාම පුළුවන් හරිද, වයසට ගියත් මං තාම කොල්ල වාගෙ... තමුසෙට පොඩි එවුන්ට කිරි දෙන්න බැරි නං නිකං ඉන්නව. මගේ වැඩ මං නවත්තන්නේ නෑ... හිටහන්කෝ.. මං කිරි දෙන්න වෙන සිංහ ධේනුවක් හොයාගන්න..

ආ.... හැබෑට... තමුසෙ ඒ කාලෙත් කොලේ වෙන වෙන එකීල පස්සෙ ගිය එක නේන්නං.. දෙයි බලන් ඉන්නවා මේං කියල. එවුන්ට කිරි දෙන්න උන්ගෙ පැටවු ඉන්නව ඕයි.. තමුසෙ හිතන් හිටියට ලොම් තියන කාලෙ පණ ඇරගෙන හිටියට ලොම් හැලුනම තමුසෙට ඉන්නෙ ඒ කාලේ පස්සෙන් කටු කන්න ආපු බල්ලො ටික විතරයි..

හුහ්.. එහෙමද හිතන් ඉන්නෙ? බලනවකො බල්ලො ටික එකතු කරගෙන හරි වැඩේ දෙන්නෙ නැද්ද කියල. ඒක නෙවෙයි.. තමුසෙ පැටවු ටිකට කිරි ටික දෙනව හරිද...

මට බෑ... ඕනෙ බැල්ලියෙක්ට කියල දීගන්නවා...

දෙනවා තමයි ඕයි.. තියාගන්නව තමුසෙගෙ ඔය මහ ලොකු කිර. බල්ලෙක් වත් තමුසෙ දිහා බලන්නෙ නෑ ඕයි දැන්.. එනවා මෙතන කිරි මණ්ඩලේ සංවර්ධනේ කොරන්න...

ඉතිං දීගන්නවා.. තමුසෙගෙ පැටවු නෙ... උන්  බැල්ලියන්ගෙන් කිරි බිව්වම ඒ කාලේ තමුසෙගෙ තිබ්බ තේජසට මොකෝ වෙන්නෙ? බැලුවම ඒකත් හරි තමා. ඒ කාලේ තේජසට හිටියට හිටියට දැන් තමුසෙ බල්ල වෙලානෙ ඉන්නෙ..

අනේ පලයන් ගෑනියේ යන්න. උඹ නොදුන්නට දෙන්න ඕන තරං එවුං ඉන්නවා තාමත් මට. ( වටේ හොරගල් අවුලමින් ඉන්නා හයිනා බල්ලන් දෙසට) " ඇඩෝව්... හොඳට කිරි තියන බැල්ලියෝ ටිකක් හොයපල්ලා.. හොඳට නාලා මේකප් දාලා එන්න කියපල්ලා දෙහිවල ගේට්ටුව ගාවට.."

"සෑර් , පරණ සිංහයා ආයෙත් ඕනෑ කියල ගහපු බෝඩුත් ගේන්න ඕනෑද? සෑර් එනකොට වටවෙලා කෑගහන්නත් ඕනැද?

 

මේ පාර එව්ව ඕන නෑ යකුනේ.. සද්දෙ වහල පොඩි එවුං ටිකට කිරි ටික දීල යන්න කියහල්ල..

සෑර්... බලු අම්මලගෙන් කිරි බොයිද? සිංහ කිරි බීල නේද පුරුද්ද?

දැන් එවුනුත් බලු කිරි හරි බොන්න පුරුදු වෙන්න ඕන... උනුත් දන්නවා ඉස්සර කෙසර දැන් නෑ කියල.

සෑර්, මිනිස්සු මොනවා නොකියයිද? සිංහ පැටවු බලු කිරි බොනවා කියල ඇහුවම.

යකෝ විෂ්ණු දෙය්යොත් චන්දෙ පැරදිලා ගිහිං බටකොළ කෑවෙ.. මුනුත් බලු කිරි බීල හරි ලොකුවෙයි නෙ..